Kína. Norðurslóðir. Himalajasvæðið

Forseti á fund með Henry M. Paulson, fyrrum fjármálaráðherra Bandaríkjanna, um samvinnu við Kína en hann hefur nýlega gefið út bók um það efni, Dealing with China, og fjallaði um hana í gær á alþjóðlega orkuþinginu CERAWeek í Houston. Einnig ræddu forseti og Paulson um þróun Norðurslóða og loftslagsbreytingar en Paulson var í fyrra meðhöfundur að skýrslu um áhrif loftslagsbreytinga á Bandaríkin. Þá var rætt um Himalajaverkefnið, sem forseti hefur beitt sér fyrir, og fundinn i Bútan í febrúar. Lýsti Paulson áhuga á að stofnun hans gæti fylgst með bæði Himalajaverkefninu og Hringborði Norðurslóða, Arctic Circle.