Umferðarslys. Minningardagur

Forseti flytur ávarp á athöfn sem haldin er við Landspítalann í Fossvogi til að minnast þeirra sem látist hafa í umferðarslysum. Í ávarpinu vottaði forseti fjölskyldum og ættingjum þeirra, sem látist hafa, samúð þjóðarinnar og þakkaði einnig björgunarsveitum, lögreglunni, læknum og hjúkrunarfólki en fulltrúar þeirra voru einnig viðstaddir athöfnina. Þá hvatti forseti til aukinnar árvekni í umferðinni þar sem hver og einn bæri mikla ábyrgð.