Íslensku markaðsverðlaunin

Forseti afhendir Íslensku markaðsverðlaunin á árlegri samkomu ÍMARK. Í ávarpi áréttaði forseti þau mikilvægu skilaboð um árangur og starf fyrirtækja sem verðlaunin fælu í sér á hverju ári. Einnig væri athyglisvert að þau þrjú fyrirtæki sem nú væru tilnefnd til verðlaunanna , Marel, Mjólkursamsalan og Ölgerðin ættu sér öll djúpar rætur og merkilegan feril í atvinnusögu Íslendinga. Markaðsmaður ársins var valin Lív Bergþórsdóttir framkvæmdastjóri NOVA. Marel var síðan valið markaðsfyrirtæki ársins.