Sendiráðið í Washington

Forseti er viðstaddur opnun á nýju skrifstofuhúsnæði sendiráðs Íslands í Washtington, klippir ásamt sendiherranum Hjálmari W. Hannessyni á borða í tilefni opnunarinnar og flytur ávarp. Í ávarpi sínu áréttaði forseti mikilvægi samvinnu við Bandaríkin á komandi árum og áratugum. Nýir þættir væru óðum að verða grunnstoðir í slíkri samvinnu, einkum nýting hreinnar orku, vísindi, tækni og rannsóknir og málefni norðurslóða sem og baráttan gegn loftslagsbreytingum. Viðstaddir opnunina voru háttsettir embættismenn frá bandaríska utanríkisráðuneytinu, margir erlendir sendiherrar í borginni, Íslendingar sem búsettir eru í Bandaríkjunum og aðrir sem tengsl hafa við landið.

Letur: