Sendiherra Sri Lanka
Forseti á fund með nýjum sendiherra Sri Lanka, hr. R.P. Jayasooriya, sem afhenti trúnaðarbréf sitt á Bessastöðum. Rætt var um framlag Íslendinga til friðargæslu á Sri Lanka og nauðsyn þess að leitað sé nýrra leiða til að koma á friði í landinu, draga úr hermdarverkum og tengja öll stjórnmálasamtök inn í lýðræðislega ákvarðanatöku. Einnig lýsti sendiherrann áhuga forseta Sri Lanka á að heimsækja Ísland á nýjan leik en hann heimsótti landið þegar hann gegndi embætti sjávarútvegsráðherra og telur að Sri Lanka geti lært margt af Íslendingum á því sviði.
